Tura, Risaw 15: Ki Pulit ka South West Garo Hills, hynnin ka sngi thohdieng, kila ioh ban kurup ia bun bah u ganja ba shongdor da ki phew hajar tyngka na kawei ka shnong jong ka District.
Ki Pulit ka Ampati ki pyntip ba ka jingioh kurup kala jia ha ka jingkhynra pyrshah ia ki jingdih pynbuaid bala pynlong hapoh ka thain.
Ki Pulit kila pynlong ia ka jingkhynra ha ka shnong Belbari/Honrinpara kaba lam sha ka jingioh kurup haduh 19.778 kilo u ganja.
Ki Pulit ka Ampati kila kem noh ia u trai jong une u ganja ban pynlong ia ka jingtohkit.
