Nongpoh, Nailar 16: Uwei u samla u la duh noh ia la ka jingim hadien ba u la shah tynrah ha kawei ka Scooty katba u dang iaid lynti ha ka surokbah National Highway-6 ha Ri Bhoi.
Kane ka jingjia ka la jia hynnin ka sngi ha ka por 11.50 mynsngi ha Umtrew, ha kaba kawei ka Scooty kaba don ia u number AS 01 DM 0131 ka la tynrah ia utei u samla katba u dang iaid lynti bad ha kane ka jingjia utei u samla u la khlad noh hadien ba la poi ha ka jaka ai jingsumar ha CHC Umsning.
Une u samla la tip kyrteng kum u Deeconsa Marbaniang, 25 snem ka rta.
Na ka liang ki Pulit ka Ri Bhoi kila register case pyrshah ia u nongniah jong kane ka scooty bad ka jingtohkit mynta ka dang iaid shakhmat.
