Shillong, Nohprah 27 : U Nongialam bala rangbah bha bad Myntri Ragbah Duh ka Ri Dr Manmohan Singh, ula khlad noh ha ka miet sngi Palei, hadien ka jingshitom kaba ban la slem ia ka met jong u. U Dr Manmohan ula don 92 snem ka rta.
Kat kum ka kyrwoh na ka All India Institute of Medical Sciences (AIIMS), ula don hapdeng ka jingsumar la slem bha bad kynsan kynsan ula mad ia ka jingbym tip briew shuh hala iing ha ka sngi Palei, La pynkt ia u sha ka Emergency Ward jong ka AIIMS ha New Delhi ha ka 8 baje mynmiet. Ki bor khmih kila shim ia baroh ki sienjam ban sumar ia u hynrei la pynbna ba ula khlad noh ha ka por 9:51 baje mynmiet.
U Dr Manmohan Singh u dei u Myntri Rangbah Duh ba 13 jong ka Ri India bad ula shakri naduh u snem 2004 haduh 2014.
Ia u Dr Manmohan Singh la tip bha halor ka jingwanrah ia ka jingkylla ha ka jingpynwandur ia ka ioh ka kot ha Ri ha u snem 1991 myn ba u dang bat kum u Myntri Pla tyngka, uba la pynduh ia ka Licence Raj bad weng noh ia ki jingeh haba iadei bad ka FDI, kaba lam sha ka jingkiew shaphrang ka ioh ka kot jong ka Ri India.
