Dimapur, Lber 17 : Ka nongshong shnong ba tymmen tam ka Nagaland ka Pupirei Pfukha, 121 snem rta ka la khlad noh hapoh ka iingsah jong ka ha ka shnong Kigwrma ha kane ka sngi Balang ba la lah ha ka por 7 baje janmiet.
Kane ka riew tymmen ka shong ka sah ryngkat bad ka khun khnai jong ka, ka Arheno.
Katkum ki khubor la ong ba ka Pfukha ka la duh noh ia ka bor iohi ha ki khmat ha ka rta kumba 80 snem bad ka la duh noh ia ka bor ioh sngew ha kine ki khyndiat snem kiba la leit bad kaba donkam ban shu hylla haba donkam ban iakren.
Ka Pupirei ka la pyndep ia ka jingiathoh shongkurim bad u Vichapa Pfukha bad don sawngut ki khun, kata lai ki shynrang bad kawei ka kynthei.
U khun ba nyngkong jong ki u dei uba la pyndep nyngkong eh ia ka eksam matrik, uba nyngkong eh ia ka graduate bad uba nyngkong eh u ban long u gazetted officer ha ka jylla uba la khlad noh ha u snem 1989.
Ka Pupirei ka la iehnoh shadien ia ki 18 ngut ki ksiew, 56 ki khun miaw bad 12 ngut ki khun khnai.
