Mairang, Nailar 26: Ki bor District ka Eastern West Khasi Hills kala khein be-ain mynta ban pynlong ia ka jingiakop khwai dohkha kaba la buh ia ka khusnam ba palat T .1 lak ha ka District
Kane ka hukum na u Deputy Commissioner lala mih ha ka 23 tarik Nailar hadien ka jingiohpdiang ia ki jingujor halor ka jing pynlong ia ki jingiakop khwai dohkha ha ki pung bapher bapher ka District, ha kaba la buh ia ka bai rung ka bym duna ia ka T. 500 shi ryngwieng bad ka khusnam kala kot sah ka T. 15 lak.
U Deputy Commissioner ula pynjari syndon da ka kyndon 144 jong ka CrPC ba khang ban pynlong ia ki jingiakop khwai dohkha kiba ka khusnam ka kot palat ia ka T. 1 lak bad ka bairung ne bai ryngwiang ka kot palat ia ka T. 100.
Ha kajuh ka por, ki bor District kila khang pyrshah ruh ban pynlong ia ki jingiakop khwai dohkha palat ia ka arsien shisnem ha kajuh ka pung.
Ïa kane ka hukum la pynmih da u District Magistrate, kum shi bynta ban khanglad ïa ka jingpyndonkam bakla bad jingsngewthuh bakla ïa ka Amusement Act. Kumjuh ruh ban khanglad ïa ka jingshah shim kabu jong ki duk ki suk ki bym da biang tikna ka kamai kajih.
U Deputy Commissioner u ong ba kino kino kiba pynkheiñ ïa kane ka hukum, kin shah pynshitom katkum ka kyndon 188 jong ka Indian Penal Code, 1860.
