Shillong, Naiwieng 06 : U Myntri Rangbah ka Jylla Conrad K Sangma, hynne ka sngi Nyngkong, ula khaweh lama ia ka Car Rally jong ka National Cadet Corps (NCC) kum shibynta ban rakhe ia ka jingdap 75 snem jong ka NCC.
Ia kane ka car rally la pynlong da ka North Eastern Region Directorate jong ka National Cadet Corps. Ia kane ka rally la pynlong kum shibynta jong ka Special Outreach Program ka ban sa kut noh ha ka 27 tarik Naiwieng ha Guwahati.
Congratulations to NCC for its service to the nation in inspiring our youth not only towards discipline and service but in instilling the spirit of unity among the youth. Wishing all the participants the very best. @rajnathsingh @kishanreddybjp @nccner @adgpi @easterncomd pic.twitter.com/7lLuKj0O44
— Conrad K Sangma (@SangmaConrad) November 6, 2023
Haba ai jingkren ha ka jingialang, u Myntri Rangbah ka Jylla ula iaroh ia ka synniang jong ka NCC ha ka jingtei ia ka Ri. Ula iaroh ruh ia ki cultural program bala pynlong da ki dkhot ka NCC haba pynshlur ruh ia ki ba kin nang trei kam bha ia ka kam.
Haduh 277 tylli ki skul, 151 tylli ki College bad 44 tylli ki District jong ki 6 tylli ki Jylla, kila iasnohkti lang kawei ha ka lama jong ka NCC ban iashimbynta ha kane ka Car Rally.
Ka jingthmu jong kane ka Car Rally ka long ban wanrah ia ka jingsngew iajan para dkhot, ka jinglong Nongialam, ka mynsiem ban ialeh, ban pynrung ia ka mynsiem ieid ri hapdeng ki samla ban ban ai mynsiem ruh ia ki ba kin bat ia ka nongrim kaba ka NCC ka ieng.
Pule lang ia kane: Iamir jingmut ka NEIGRIHMS ban lah sumar ia ka jingpang Jabieng
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
