Aizawl, Naiwieng 06 : Arngut ki Pulit kila iap ha ki artylli ki jingjia katba ki dang don ha lynti ban leit pahara ia ka elekshon hapoh Mizoram.
Uwei na kine ki Pulit bala 36 snem, ula iap ha ka jinghap ka kali katba u dang don ha lynti sha Lawngtlai District, ong ki Heh Pulit hynne ka sngi Nyngkong.
Kat kum ka khubor, kane ka jingjia kala jia haba une u Pulit Z Lalmuanzuala ryngkat bad kiwei ki Pulit, ki dang don ha lynti ban leit sha ka Shnong Jarulsury kaba hap hapoh ka Tuichawng Assembly Constituency hynnin ka sngi U Blei.
Ka kali ba ki shong kala tyllun shadien ha ka lynti riat, kaba lam sha ka jingiap u Lalmuanzuala hashen, kila ong.
Ha kawei pat ka jingjia, uwei u Pulit ula iap na ka jingkhie kynsan ka jingpang hapoh ka hospital jong ka sor Champai. Une ruh u dei uba leit pahara ia ka elekshon.
Ka elekshon sha ka Iingdorbar Thaw Ain ba 40 ngut ki MLA kan long ha ka sngi Ba-ar.
