Nongstoin, Risaw 26 : U Deputy Commissioner ka West Khasi Hills Bah Garod L.S.N Dykes ula pynmih ia ka hukum hynne ka sngi ba khang pyrshah ia ka jingtih bad jingkhaii be-ain ia u dewiong ha West Khasi Hills District.
Kat kum ka jingong jong u, kano kano ka jingtih tuh ia u dewiong ne khaii beain ka dei ka jingpynkhein ia ka hukum bala pynmih da ka National Green Tribunal (NGT).
Ula ong ruh, kane ka jingpynmih hukum ka long ruh haba pyntreikam ia ka hukum jong ka Iingkashari Meghalaya High Court ba 18 tarik Risaw 2022, ban pynthikna ba ym ban shah pyniaid wat tang shi ounce u dewiong bala tih tuh la ka dei lyngba ki trok ne kino kino ki kali.
Une u Khliehduh ka District ula ong ba kane ka hukum kan treikam mardor tad haduh da pynmih da kawei pat ka hukum.
