Shillong, Iaiong 03: Ka seng Hynniewtrep Youth Council (HYC) hynne ka sngi kala khang tala iaka ophis treikam jong ka Karuna Trust kaba don ha Jylli Shop Nongthymmai.
Kane ka jingkhang tala ia ka Karuna Trust ka ba peit iaki Primary Health Centre (PHC) jong ka jylla kadei hadien ba kane ka ophis kala weng kam ki 13 ngut ki nurse ANM ha ki 11 tylli ki PHC.
Haba kren sha ki lad pathai khubor u General secretary ka HYC u bah Roykupar Synrem u la ïathuh ba ka Karuna Trust kala wengkam iaki 13 ngut ki Nurse tang lyngba ka hukum bala wan naka sorkar jylla.
U bah Roykupar ula iathuh ba ka jingweng kam ia kine ki Nurse khlem da ai por ka long beain namar kine ki Nurse kila trei kumba 10-14 snem.
“Namar ba ki heh ba khmih ia kane ka Karuna Trust kim don hynrei la ioh ban iakren lyngba ka phone ba ka seng ka la dawa ia kine ki nongpyniaid ban iakynduh ban pynshai ha kano ka nongrim bad mano ba hukum ban weng iaki Nurse na ki PHC” la ong u bah Roykupar.
