Mairang, Naiwieng 21: Ka bor pyniaid District ka Eastern West Khasi Hills, kala pynmih ia ka hukum ban khang noh ia ka jingpyniadur masi hapoh u pud u sam jong ka District nangne shakhmat.
U Deputy Commissioner u pyntip ba kane ka jingkhang ka dei halor ka jingpyntreikam ryntih ia ki kyndon jong ka ain Prevention of Cruelty to Animals Act, 1960.
Ha kajuh ka por, ula pyntip sha ki nongshongshnong ka District bala khang pyrshah ia kano kano ka rukom leh bein bad ban bein ia ki mrad kynthup ka jingiapyndur masi ba ju pynlong ha kino kino ki jingialum paidbah kum ki fete bad kiwei kiwei ki jingpynbyrngia.
