Shillong, Risaw 06: Ka Khasi Students Union (KSU) Shillong Mihngi Circle ka la khang khyrdep ia kawei ka dukan dawai (pharmacy) kaba kyrteng ANSHU MEDICAL jong u bar Jylla ba kyrteng Anup Dey kaba don ha Polo.
Ia kane ka dukan la khang khyrdep da ka Farmers and Consumers Protection Cell jong ka Circle hadien ba ioh pdiang ia ka jingujor ba kane ka dukan, kam pat don satia ia ka licence ban die dawai.
La kynnoh ba ha kane ka dukan la ai dawai da kawei ka doktor Dr.(BAMS) Ayurvedic kaba dei ka khynnah pule ka NEIAH, ka bym pat don licence satia ban ai dawai lait noh tang ka provisional bad ki internship kiba ka dang dep leh tang shiteng por. La kynnoh ba kane ka briew kala ai dawa ha kane ka dukan pharmacy lah lai bnai tam eiei.
Ka KSU kala kynnoh ba ka jingleh jong kane ka Doctor ka long kaba beaiñ bad ka ba buh jingma ia ka koit ka khiah jong ki paidbah kiba wan shim dawai na kane ka dukan.
Ka seng ka la maham bad khang syndon ia kane ka dukan ba kan die dawai khlem pat don ki kot ki sla bad ka License ki ba pura lyngba ka jaka pule bad kumjuh ruh na tnat ka koit ka khiah ka Sorkar Jylla.
Nalor kane ka KSU kala pynpaw ba shen kan leit kynduh ia ki bor pyniaid ka NEIAH (Institution) bad kumjuh iaki bor khmih ka tnat ka koit ka khiah ka Sorkar Jylla ban dawa ba ki dei ban buh da ki kyndon kiba biang khnang ba kum kine ki kam kin nym jia satia.
 Shillong Mihngi Circle ka la khang khyrdep ia kawei ka dukan dawai (pharmacy) kaba kyrteng ANSHU MEDICAL jong u bar Jylla ba kyrteng Anup Dey kaba don ha Polo.){kind=link}