Shillong Risaw 6: Ka Ri Bhoi district kala sakhi ia ka jingjia aksiden ba khah khah, kaba la pynlong ia u Myntri ka Sorkar Jylla Bah Sostheness Sohtun, MLA ka Jirang Constituency, ban ban jur ia ka jingkongsan ha ka ban pyntreikam pyrrkhing bha ia ka ain niah kali.
Haba iakren bad ki ladpathai khubor ha ka sngi Nyngkong, u Bah Sohtun ula banjur ba ym lah ban batai lypa ia ki jingjia aksiden hynrei ka tnad pulit ka lah pat ban leh ia ka bynta kaba khraw ban tehlakam ia kitei ki jingjia.
U Myntri ula pynpaw ia ka jingkongsan ban bud pyrkhing ia ki lad jingiada khamtam eh ha kaban deng ia ki Helmet da ki nongniah ia ki thuk thuk.
Ula kyntu ia u Superintendent of Police (SP) bad ia ki bor kiba pyniaid kali ba kidei ban pyrkhing bha bad ban leh da kaba tyngeh ia ki nongniah ia ki thuk thuk kibym bud ryntih iaki kyndon pyniaid kali, ban pynthikna ba kin niah ia ki kali da ka jingshngain bad ban iaid ha ka lynti ne Lane ka jongki.
U Bah Sohtun ula iengskhem ha kaban ai jingmut ia ki paidbah khamtam eh ia ki nongniah thuk thuk ba kin phong ia ka helmet bad ban ym pynher sted than.
