Mairang, Jymmang 29: Ka District Magistrate Eastern West Khasi Hills District Mairang, ka la pynjari da ka kyndon aiñ 163 Bharatiya Nagarik Suraksha Sanhita (BNSS) 2023, ba khang pyrshah ban tih ne khlong shyiap na wah Kynshi.
Kat kum ka hukum la khang ïa kino kino ki riew shimet ne ki kynhun ban don bynta ha kaba khlong shyiap na ka wah Kynshi, ban khlong shyiap ne ban tih maw n aka jaka kaba hapoh ka 200 metre na ka National Highway 44- E, ban sait ïa u shyiap hapoh jong ka 200 metre ha ki rud jong ka wah Kynshi, ban lum thup ïa u shyiap ne u maw ha ki bynta shaphang ka mon jong ka surok National Highway 44- E.
La pynjari ïa kane ka kyndon aiñ hadien ba lah ïoh jingtip ba ki don katto katne kiba khlong shyiap, kiba tih maw, kiba lum thup ïa u shyiap bad u maw ha ki rud jong ka surok National Highway khlem da ïoh jingbit na ki bor ba dei peit.
Ka jingleh khlem akor ïa ki wah, ka buh jingma ïa ki jingthaw ba im ha um bad ruh ïa ka koit ka khiah bad ka jingim jong ki briew, kiba shong basah ha shilynter jong ka wah Kynshi. Ka ktah ruh ïa ka mariang bad ka long ruh shi bynta ka jingpynkheiñ ïa ki kyndon ba lah buh da ka Hon’ble National Green Tribunal (NGT).
ada lap ïa kino kino ki ba leh pyrshah bad pynkheiñ ïa kane ka aiñ, kin ngat ha ka jingpynshitom katkum ka aiñ 223 jong ka BNS, 2023.
 2023, ba khang pyrshah ban tih ne khlong shyiap na wah Kynshi.){kind=link}