Shillong, Lber 26 : Ki Pulit ka Ri-Bhoi ha ka sngi Balang, kila kem ia lai ngut ki briew kiba suba donkti ha ki kam tuh thuk thuk bad ka jingtohkit mynta kala iaid shakhmat ban kyndang naphang ia ka kynhun ki nongtuh kali arshaka hapoh ka District.
Arngut na kine ki briew, ba kyrteng u Arjun Pohktai ba ju khot sin u Fedrik (25) ba ia Iarmamon, East Khasi Hills bad u Stevenson Bareh (25) na shnong Amdoh West Jaintia Hills, la kem halor ka case bala register hapoh Umiam Police Station hapoh ka kyndon 303 (2) jong ka Bharatiya Nyaya Sanhita (BNS).
Ha kawei pat ka khubor, ki Pulit kila ioh kem sa ia uwei pat u nongtuh thuk thuk ba kyrteng u Wanshemlang Lyngdoh ba na Mawkynthei, Sohiong bad ia une pat la kem halor ka case ha Khanapara Police Station bala pynngat hapoh ka kyndon 303(3)/61(2)/317(3) jong ka BNS.
