Shillong, Nailar 26: Ki Pulit ka nongbah Shillong ha ka sngi balang kila ioh kem ia uwei u nongtuh uba donkti ban tuh na kawei ka dukan ba dang plie thymmai ha Police Bazaar. Kane ka dukan ka dei kaba kyrteng ka Jolly Belly kaba don hajrong jong ka Choudhary Pharmacy, ong ki Pulit.
Ki Pulit ki iathuh ba kane ka dukan ka dei kaba la shah tuh la arsien-laisien bad dei haba khmih lyngba ki video ba la ring da ki CCTV, la lah ban ithuh ia une u nongtuh.
Ki pyntip ba une u briew u thmu ban tih haduh 4-5 tylli ki tiar jong ka VLCC kompani kiba shongdor hapdeng T.1500-T.2000.
Ki Pulit ki iathuh ba ha ka jingtohkit, une u runar ula phla ba u la iadonkti ha kaba tuh na kiba bun ki dukan lem bad ki paralok jong u bad ia ka pisa ba ioh, ki ju pyndonkam ha kaban thied droks.
Ia une u nongtuh la rah noh sha Sadar Police Station bad ka jingtohkit mynta kala iaid shakhmat ban lapdien ia ki paralok jong u, kiba ju tuh na ki dukan ha Police Bazaar.
