Shillong, Lber 21 : Ki Pulit ka Umkiang PP hynnin ka janmiet sngi nyngkong, kila ioh ban kem ia arngut ki nongkhaii ganja bad ioh kurup haduh 68 kilo u ganja na ka kali ba ki iashong.
Ia kine ki briew la ioh ban kem ha ka jingtalasi kali hapoh Damcherra, Kuliang bad la tip kyrteng ia ki da u Binoy Debbarma ba 38 snem bad u Photo Kumar Debbarma ba 30 snem, kiba dei kiba na Dhariathal, West Tripura District, Tripura.
Kat kum ka jingiathuh u Superintendent of Police ka East Jaintia Hills Jagpal Singh Dhanoa, ki Pulit kila ioh bat ia kine ki briew na ka kali Hyundai Santro kaba don u nombor TR01-AB-0422 hadien ka jingtalasi kaba lam sha ka jingioh kurup ia u ganja bala sop ha ka song rong ktieh napoh ka kali.
Ki Pulit kila kurup noh ia une u ganja, ia ka kali lem bad ia artylli ki mobile phone jong kine ki briew.
Ki pulit kila register ia kane ka case ha Lumshnong Police Station kat kum ki kyndon jong ka NDPS Act.
Pule lang ia kane: Bynniaw ka Liang Pyrshah ba khlem kren eiei u Lat halor ka jingrung ki mynder
