Shillong, Rymphang 08 : Ki Pulit ka North Garo Hills, kila ioh ban kem ia 5 ngut ki runar jong ka kynhun tuh thuk thuk ka Assam bad Ri-lum Garo bad ioh kurup ruh ia artylli ki thuk thuk kiba thmu ban khaii tuh sha Bangladesh.
Ia kine ki nongtuh la iohkem ha ka jingkhynra hadien ka jingujor ba pyntip ia ka jingjah kawei ka thuk thuk n aka thain kaba hap hapoh ka Matia Police Station jong ka ka Goalpara District, Assam.
Halor ki jingtip ba thikna, ki Pulit na Dainadubi Outpost ha ryngkat ki Pulit ka Assam kila ioh ban bat ia artylli ki thuk ha Iew Gairong kiba thmu ban khaii tuh sha Bangladesh. Kine ki thuk thuk ki don u nombor AS-18 K 3422 bad AS-01 FF 1309.
Ha ka jingtohkit, kine ki 5 ngut kila phla ba kine ki thuk thuk ki dei kiba thmu ban pynpoi sha Rongara na ka bynta ban khaii sha Bangladesh.
Kine ki 5 ngut ki kyrteng u Rockystar M Sangma ba na Baghmara, u Santar A Sangma ba na Bagmara, u Fazirul Haque ba na Goalpara, u Rofiqul Ali ba na Nayapara, Assam bad u Rakibul Islam ba na Nagarbera, Kamrup.
Ia kine ki runar la aiti noh sha u Incharge ka Matia Police Station ha Goalpara District ba un tohkit bad leh ia kaba donkam kat kum ka ain.
