Nongpoh, Lber 21 : Ki Pulit ka Ri-Bhoi District, hynnin ka miet, kila kem ia arngut ki briew kiba suba jur ba ki dei kiba donkti ha kaban pyniap klep ia uwei u nongrep ha lynti na ka Shnong Pahammawlein sha Umdap, Ri-Bhoi.
Kine ki arngut ki briew ki dei kiba la tip kyrteng da u Prince Abraham Sylliang ba 35 snem n aka Shnong Pahammawlein, 20 mer bad u Sushil Kurbah ba 72 snem uba dei na ka shnong Umdam Duki.
Ki Pulit kila kem ia kine ki briew halor ka jingsuba donkti ba ki pyniap ia u Bah Elius Ryndong ba 60 snem ka rta na ka shnong Pahammawlein, kaba la jia myn ha ka 9 tarik Lber katba u dang iaid lynti na Iing sha ka jaka rep.
Une u Nongrep ula shah pyniap da ka jingshah pom da ki kynja tiar ba nep bad shah lynthew maw na ka khleh haduh ba ka khlieh kala pra phom.
Ki Pulit kila register case halor kane ka jingjia bad ka jingtohkit ia kine ki arngut ki briew ka dang iaid shakhmat.
Pule lang ia kane: Kular ka Sorkar ban bishar ia ka jingthungkam pura ia ki Nonghikai ha ki skul LP
