spot_img

Kem ki Pulit ia 6 ngut ki Nongkhaii droks, kurup ia u droks ba shongdor T.1 klur

Date:

Share post:

“Ka thma pyrshah droks kan dang iai bteng ha Jylla”: DGP

Shillong, Jylliew 30: U Director General of Police (DGP) Dr Lajja Ram Bishnoi hynne ka sngi palei, ula pynbna thma pyrshah ia u Droks ha Jylla hadien ba 6 ngut ki briew kila shah kem bad 676 gram u heroin ba shongdor T. 1 klur na East Jaintia Hills bad East Khasi Hills District.

“Ka thma jong ngi pyrshah ia u droks kan iai bteng bad ka Tnat Pulit ka Meghalaya kala kut jingmut ban ratdyngkhong ia u droks napoh ka Jylla. Ka jingkhynra ha baroh ki lynti pyniaid droks kan iai bteng khlem sangeh tad haduh ba ngi la lah ban pynduh jait hapoh ka Jylla” ong u Bishnoi haba iakren bad ki nongthoh khubor.

Ki 6 ngut ki nongkhaii droks ba shah kem ki kynthup ia u Gary Kharnaior (30) na Mawlai Standbus bad u Kmenlang Shabong (20) na Mawlai Mawdatbaki kiba la shah kem na kawei ka bos Jaganath Travel (ML05-L-7887) hynnin ka step sngi palei por 3.50 baje eiei ha Khliehriat, East Jaintia Hills.

Na ka met jong kine ki arngut, ki Pulit kila ioh ban kurup ia ar tylli ki pla ba thep ia u heroin uba la song ha ki 60 tylli ki sop sabon bad 30 strip u dawa Nitrasepam.

Ha ka jingtohkit, kine ki arngut kila sei madan ia ka kyrteng jong uwei pat u briew ba kyrteng u Marvin Jyrwa uba dei u nong bei tyngka ia kane ka jingwan droks bad uba dang ap ban shimti ia une u drok ha Mawryngkneng.

Hadien kane, ka Tnad Pulit kala phah ia ka kynhun sha Mawryngkneng bad kila ioh ban bat bad kem ia u Marvin Jyrwa ha ryngkat bad lai ngut kiwei pat kiba kyrteng u Meibifil Buam (22 snem) na Mawlai Umsaw, u Khrawboklong Kharkongor (29) na Mawlai Kyntonmassar bad u Aiborlang Laitmon (28) na Mawlai Nongpathaw.

U DGP u pyntip ba ki Pulit kila register case ia kine ki briew hapoh ka NDPS Act bad ka jingtohkit mynta kala iaid shakhmat.

Haba kyntu ia ki paidbah ban iasnohkti lang ha ka thma bala lam lynti da ka tnad Pulit ban iakhun pyrshah ia u droks, u Dr Bishnoi ula ong “Nga kyrpad ia baroh ki nongshongshnong ba kin wan shakhmat ha kaban ai ia kino kino ki jingtip ba iadei bad ka kam khaii droks sha ki Pulit. Ngin buhrieh ia ka kyrteng jong kiba pyntip bad ngin pynthikna ruh ban gin leh eiei mardor kat kum ka jingtip ba ki ai”.

Une u Khliehduh ki Pulit ula pynkup burom ruh ia u Additional SP ka East Jaintia Hills Bah Banraplang Jyrwa bad 35 ngut ki Pulit kiba iadon bynta ha ka jingkhynra kaba lam sha ka jingiohkem ia kine ki nongkhaii droks. Ia kine ki Pulit la ai da ka DGP Commendation Certificate.

“Ka jingkhynra kan iai bteng. Kum shibynta ha ka jingtreikam, ngi la rai ba kino kino kiba treikam bha na ki Pulit lane tnad Syntiat, kin sa ioh mardor ia ka khusnam” ula ong.

Ha kajuh ka por, u DGP ula pynbna ia ka rai jong ka Tnad Pulit ban wanrah ia ka Mobile Application ha kaban pynjanai ia ka jinglum ia ki jingtip hapoh ka 10-15 sngi ban wan.

“Ngin sa pyllait ia kane ka Application ha u bnai Naitung bad hadien kane, ngi khmih lynti ba ngin sa ioh lum iashibun ki jingtip na ki Paidbah ruh kumjuh”, ula ong.

Share post:

spot_img
spot_img

Popular

More like this
Related

Beh shnong lut ka Erpakon ia ki bar jylla ba trei bylla ne sahwai ha Shnong

Nongpoh, Jymmang 22: Ka Dorbar Pyllun jong ka Shnong...

30% of BJP supporters in South Shillong averted to vote ‘out of anger’: says Sanbor Shullai

SHILLONG, MAY 21: BJP legislator from South Shillong Sanbor...

U drok bad ka shongkha pathar ki daw bah ka jingpang Ñiangkulia: MACS

Nongstoiñ, Jymmang 21: Ka Meghalaya State Network of Positive...

Iakynduh ka HYC ia ki bor District ka WKH ba la jyllei u droks hapoh ka District

Shillong, Jymmang 21: Ka Hynniewtrep Youths Council (HYC) West...
spot_img