spot_img

Kem ki Pulit ia 5 ngut halor ka jingshah wiang ding ki kali ha Laitumkhrah Police Station

Date:

Share post:

Shillong, Naitung 08: Ki Pulit ka East Khasi Hills hynne ka sngi Saitjian, kila kem ia 5 ngut ki briew kiba la suba donkti ban wiang ding iaki kali hapoh ka phyllaw jong ka Laitumkhrah Police Station haka shiteng synnia jong ka 6 tarik mynta u bnai.

Lah ban kdew baka la don ka jingiakajia hapdeng ar kynhun hakhmat ka ophis DHS Laitumkhrah bad kane ka jingiakynnad kala pur shaka Laitumkhrah Police station bad kala poi shaduh u pud ba ki riew paidbah kila wiang dieng iaki kali ba ieng hapoh ka phyllaw jong katei ka thanat.

Halor kane ka jingjia, ki Pulit kila kem 2 ngut na kawei ka kynhun bad 3 ngut na kawei pat ka kynhun kiba la donkti ban iakynnad hakhmat ka ophis DHS Laitumkhrah.

Naka liang ki bor Pulit kila kyntait ban iathuh iaki kyrteng jong kine ki 5 ngut ba shah kem daka ba kam ba ia kine la kem namar ka jingniah kali bad iashoh por buiaid hashuwa ka jingjia shah thang ki kali hapoh ka phyllaw jong ka Laitumkhrah Police station.

Hadien bala kem ia kine 5 ngut la ialam noh ia ki sha ingbishar bad ki Pulit kila ioh 5 sngi ban tohkit ia ki.

Pule ruh: Tripura : Sospon u Lamphang ia ki MLA ka Congress namar ka jingkren pynjah burom

Share post:

spot_img
spot_img

Popular

More like this
Related

Shillong Premier League | Pynliem ka Shillong Lajong da 5-0 kol ia ka Malki

Shillong, Nailar 22: Ka Shillong Lajong FC kaba dang...

“Durand Ki Roar,” kan pynshongshit puk ia ka phainal Durand Cup ha Kolkata

Shillong, Nailar 22: Ka jingrwai kaba dei ka Official...

Dawa ka HYC ban pynkhlaiñ ki khyrdop talasi mynder ha Shallang bad Langpih

Nongstoiñ, Nailar 22: Namar ka jingïai bteng jong ka...

Tripura | Shah leh beijot ka Khynnah ha ka kali ba dang iaid | Kem 2 ngut

Agartala, Nailar 22: Ki pulit ka Jylla Tripura ki...