Imphal, Jymmang 08 : Palat 150 ngut ki samla pule doktor kiba don ha ka shatei jong ka joint Student Body (JSB) kila pynlong ia ka rally hynne ka sngi Saitjain ha phyllaw ka Churachandpur Medial College ban pynpaw ia ka jingpyrshah ia ki kam iaumsnam ha Manipur.
Kine ki samla pule doktor ki dei ki paid riewlum kiba pula ha JNIMS, RIMS, Shija, bad la wan iashimbynta ruh n aka Medical Directorate nalor ki Kmie Kpa jong ki samla pule.
Kat kum ka khubor, palat 150 ngut ki samla pule doktor na ki jaidbynriew rielwum kila sahkut ha Churachandpur naduh ka 3 tarik Jymmang, 2023, hadien ba khie ka jingiakynad jaidbynriew. Kine ki samla kila sah ha Churachandpur namar ka jingshah thwet ban pynjah klep ia ki.
“Ka ishu mynta ka long ban pynbeit ia ki jaka pule na ka bynta ka jing ki sha kiwei ki college ha kiwei pat ki Jylla ka thain Shatei Lam Mihngi ne ki Jylla hapoh ka Ri ba kin ioh shong klas. Katba kiwei ki samla pule ha ki jaka lum kila sdang klas mynta la palat shibnai bad kila don ruh ia ka semester eksam hynrei ma ki ruh kim pat la ioh wat tang ia ka jingtip ne ka jingpynbeit ba kin ioh shong klas noh” ong ka JSB ha ka kyrwoh.
Ka JSB kala pynpaw ruh ba ka lawei jong ki samla pule kala don ha ka kynrum kynram bad ba kim tip shuh kumno ban leh. Nalor kane, ka pynpaw ba ki samla pule ki sngew ba u Myntri Rangbah ka Jylla ula phai lyndet ia ki naba ki dei ki riewlum bad u khlem shim khia satia ban wadlad wad lynti ba kin ioh shong klas biang noh.
Also read: Kem ki Pulit ia 5 ngut halor ka jingshah wiang ding ki kali ha Laitumkhrah Police Station
 kila pynlong ia ka rally hynne ka sngi Saitjain ha phyllaw ka Churachandpur Medial College ban pynpaw ia ka jingpyrshah ia ki kam iaumsnam ha Manipur.){kind=link}