Shillong, Iaiong 29 : Ki Pulit ka Ri-Bhoi District kila ioh ban kem ia lai ngut ki runar kiba suba donkti ha ka jingkyndang bad lute pisa na ka kor ATM ha Umiam kaba jia ha ka 6 tarik Iaiong.
Ia kine ki runar la ioh ban kem ha ka jingkhynra da ka jingiarap lang ki Pulit ka Barpeta, Assam.
Ia kine ki runar la kem halor ka case bala register ha Umiam Police Station Case No. 20(4)2026 hapoh ki kyndon ka Bharatiya Nyaya Sanhita (BNS), ba kynthup ia ka 305(a), 331(4), 324(5), 61(2)(b), bad 3(5).
Kine ki laingut ki kyrteng u Jiarul Hoque, Amzad Ali bad u Julhash Uddin.
Kat kum ka jingiathuh ki Pulit, kine ki runar ki dei kiba la shah kem teng halor ki kam tuh kam thiem. La kem ia ki na kylleng ki jaka kiba hap hapoh ka Barpeta District.
Ia kine ki runar la rah sha Barpeta Police Station bad ka jingtohkit mynta kala iaid shakhmat ban lapdien ia kiwei kiwei ki kam bymman ba kila leh.
