Baghmara, Jylliew 08: Ki pulit jong ka South Garo Hills (SGH) kila ioh kem ia 3 ngut ki briew kiba donkti ha kaban shoh bad lute ia uwei u nongniah trok ha Dumnikra ha ka 5 tarik mynta u bnai.
Ki pulit kila iohkem ia kitei ki 3 ngut ki nonglehkam sniew haka 7 bad 8 tarik u Jylliew hadien ba kila pynlong iaka jingtohkit bad lum ia ki jingtip kiba bniah na ki tnad syntiat jong ki pulit.
Ha ka jingleit khynra, ki pulit kila ioh ban kurup ia katto katne tylli ki tiar pynmynsaw kiba la shna hi, ki mobile phone na kitei ki nongleh kam sniew bad la ngeit skhem ruh ba kitei ki tiar kidei kiba la pyndonkam ha kaban shoh bad lute ia u nongniah trok.
Ki tyllong khubor na ki pulit kila iathuh ba ka jingtohkit ka dang iaid shakhmat bad la shem ruh ba kitei ki 3 ngut kidei ruh kiba donkti ha kiwei de ki kam lute kaba la jia ha u pud u sam jong ka Silkigre Police Station ha u bnai Jymmang mynta u snem.
 kila ioh kem ia 3 ngut ki briew kiba donkti ha kaban shoh bad lute ia uwei u nongniah trok ha Dumnikra ha ka 5 tarik mynta u bnai.){kind=link}