Shillong, Nohprah 19 : Ki Pulit ka East Khasi Hills, hynne ka sngi Palei, kila ioh kem ia 2 ngut ki nongkhaii droks kynthup ia uwei u Khynnah ha ka jingkhynra kaba pynlong ha ka thain Madanrting.
Na kine ki arngut, ki Pulit kila ioh kurup ia u suba heroin ba khia haduh 60.98 gram, uba la theh ha ki 6 tylli ki synduk sabon. Ki Pulit kila kurup ruh ia artylli ki mobile phone.
Ka jingtohkit mynta kala iaid shakhmat ban tih tynrai ia ka jaka ba wan une u droks bad ban ithuh ia ka kynhun kiba donkti ha kane ka kam khaii beain.
