Shillong, Nailur 21 : Ki Pulit ka Tnad Infiltration kila ioh ban kem haduh 266 ngut ki mynder ri ba wan rung beain sha Jylla ha kine ki san snem bala leit noh.
Ia kine ki briew la ioh kem na ki 19 tylli ki Infiltration Check Post ba don ha kylleng ka Jylla. Ki Pulit kiba la buh ban peit ia kine ki check post ki long 116 ngut.
Ka Sorkar kala shim ia ki sienjam ban talasi ia ki mynder ri da kaba buh ia ki Anti-Infiltration Check Post/Check Gates, Land Custom Stations, Special Squad bad District Task Force.
Ia kane la pyntip da u Symbud Myntri Rangbah ba khmih ia ka Tnad Pohiing (Home) Bah Prestone Tynsong haba jubab ia ka jingkylli bala wanrah hapoh ka Iingdorbar hynne ka sngi Palei.
