Kem ki Pulit CID ia 3 ngut ki MLA ka Jharkhand halor ki kam bamsap

Date:

Share post:

Guwahati, Nailar 3: Ka kynhun ka Crime Investigation Department (CID) ka West Bengal kila wan iuhkjat ha Assam ban lum ia ki video CCTV bad kiwei ki sakhi satar haba iadei bad ka jingkem ia lai ngut ki MLA ka Jharkhand kiba la shah kem bad bun bah ka song pisa da ki Pulit ka West Bengal na Howrah District myn ha ka janmiet 30 tarik.

Ki Pulit na Guwahati ki pyntip ba ki pulit CID ka West Bengal kila shim ia kiba bun ki video CCTV jong ka Lokpriya Gopinath Bordoloi International (LGBI) Airport ha Guwahati bad na ka hotel ba kine ki MLA ki sah.

“Kane ka kynhun CID kala wan poi ha Guwahati naduh ka sngi ba-ar. Ngi la ai lut ia ka jingiatreilang ha baroh ki jingdonkam jong ki. Ka long kaba shaiong ba ki don ki lad pathai khubor ba pynmih ba ki Pulit ka Assam kila set ia ki CID ka West Bengal namar ka jingbym pyni ia ka ejahar halor kane ka kam” ong uwei u Heh Pulit.

Ha ka sngi saitjain bala lah, ki lai ngut ki MLA — Irfan Ansari, Rajesh Kacchap bad Naman Bixal Kongari – kila shah kem ha ki Pulit ha Howrah’s Panchla ryngkat bad bun bah ka pisa lem bad ka kali jong ki.

Kine ki MLA kila iathuh ha ki Pulit ba kane ka pisa ka dei na ka bynta ban thied ia ki saree na ka iew die lang ha Burrabazaar kaba don ha Central Kolkata naka bynta ban sam sha ki nongthep vote ha ka World Tribal Day.

Kat kum ki khubor kine ki lai ngut ki MLA kiba la shah sospon, ki dei kiba suhbuit ban pynkhyllem ia ka Sorkar. Kane ka jingkynnoh kala mih naka Congress.

Share post:

spot_img

Popular

More like this
Related

Lait salit u Rangbah na ka jingshah rong um ha Polo

Shillong, Iaiong 01 : Uwei u Rangbah ula lait...

Bynniaw ka MAWU ba siew bainong ka Sorkar tang T. 66 shisngi ia ki Nongtrei ASHA

Shillong, Iaiong 01: Ka president jong ka Meghalaya ASHA...

Ka Jingïoh ïaka bor ka wan ruh ka jingkit khlieh kaba khia: Mayralborn

Nongpoh, Ïaïong 01: Ka United Democratic Party (UDP) Nongpoh...

Jop u Nayanjyoti na Assam ha ka jingiakop ‘MasterChef India’ Season 7

Guwahati, Iaiong 1: Ka jingpynlong ia ka jingiakop shet...