spot_img

Bthah ki Pulit ia ki Paidbah ban phikir haba iaid naka surok NH-6

Date:

Share post:

Nongpoh, Nailar 03: Hadien ka jingsakhi ïa shibun tylli ki jingjia aksiden bad kiwei kiwei ki jingjia kiba la jia ha ka surok bah National Highway-6 ha Ri Bhoi District kiba la wanrah ïa ki jingduh noh jong ki mynsiem briew bad bun ki la mynsaw, ki bor pulit ka Ri Bhoi District, ki la kyrpad ïa ki paidbah nongleit nongwan khamtam ki nongñiah kali ba kin long kiba phikir bad ban nym ñiah sted ïa ki kali khamtam ha ka por ba jur slap ha kane ka surok bah.

Kane ka jingkypad ki bor pulit sha ki paidbah nongleit nongwan ka la wan ruh hadien ba la sakhi ïa ka jingjur slap ha kiba bun ki bynta jong kane ka district, ha kaba la sakhi ïa ki jingjia aksiden kali kiba shyrkhei, nalor ka jingtwa lum, ka jingkyllon ki diengbah harud u surok bah bad wat ka jingshlei um ha ki thain Nongpoh bad kiwei kiwei.


La ïoh jingtip ruh, ba mynta ka 3 tarik u Nailar ha ka por 5 baje janmiet ka la don ruh ka jingkyllon u dieng bah harud u surok NH-6 harum ka shnong Shangbangla kaba la wanrah ïa ka jingdheng kali kaba shipor hynrei donbok bym shem la don pat kano kano ka jingjia kaba sngewsih ïa ki nongleit nongwan bad la lah ban pynkhuid noh ïa u ne u surok da ka jingïatreilang ki bor pulit bad ki bor ka National Highway Authority of India (NHAI).

Ki bor pulit ka Ri Bhoi District, ki la kyntu ïa ki paidbah nongleit nongwan khamtam ki nongñiah kali ba kin long kiba phikir bad ban nym ñiah sted ïa ki kali ki jong ki haba ki ïaid lyngba u surok NH-6 khnang ban ïada na kino kino ki jingjia kiba sngewsih ïa ki nongleit nongwan khamtam ha ka por ba jur slap namar bun ki bynta jong kane ka surok ki long kiba shong synjor bha.

Share post:

spot_img
spot_img

Popular

More like this
Related

Assam | Shah kem 6 ngut ba kawang bitor um sha ki kali ba synran ia u Himanta Biswa

Guwahati, Naitung 2: Hynriew ngut ki briew ba kynthup...

Ki People’s College kila pynmyntoi ia ki samla pule | La jan dep ka thungkam Nonghikai

Shillong Naitung 02: U Myntri ka Pule Puthi ka...

Dep ithuh ka PTVC haduh 407 ngut ki nongshong dukan madan ha Khyndailad

Shillong, Naitung 01: Ki don palat 407 ngut na...

Dawa ka KSU ban pyntreikam noh ia ka ILP ha Jylla

Shillong, Naitung 01 : Ka Khasi Students’ Union (KSU)...