Shillong, Nailar 23 : Ki paidbah ka shnong 11 Mer, Mylliem, kila ioh ban kem ia 4 ngut ki suba nongtuh ha ka step Sngi U Blei katba ki dang thmu ban leh ia ki kam tuh hapoh ka Shnong.
Kine ki suba nongtuh ba kynthup ia kawei ka Kynthei, kiba la wan sha 11 mer da ka Maruti Car kaba don u nombor ML05-T.9837 kaba don ruh shikhung ki tiar ba suba dei ki tiar tuh hapoh ka kali.
Kat kum ki video bala saphriang paidbah, la iohi ba ki paidbhur kila pynshitom tyngeh ia ki suba nongtuh shynrang bad la iohi ruh ba ki don napdeng kine ki uba nongtuh, kiba shah pynshitom da kaba shah shrain da u maw ia ki mat shympriah kti bad kjat.
Ka video ka pyni ruh bala teh bad khum ia ki kti kjat jong uwei na kine ki suba nongtuh hashuwa ban paring ia u bad ban thep hapoh ka kali ki Pulit ka Mawngap Police Station.
Ki Pulit kila kit noh ia kine ki briew sha hospital ban phah khmih ha ki doktor. Kat haduh mynta ym pat lah ban batai ki dei kiba kiei bad kiba wan naei kine ki briew.
Ki Pulit kila register case halor kane ka jingjia bad ka jingtohkit mynta kala iaid shakhmat.
