Shillong, Lber 13: Ha ka jingkhynra ïa kaba la pynbeit bha, ki shipai Security Force (BSF) Meghalaya ki la lah ban tehlakam iaka jingwan rung beain ki briew hapoh ka Jylla daka ba kem ïa 4 ngut ki nong Bangladesh, bad uwei u nong India uba donkti ban iarap iaki ban jam sha shilliang pud.
Hadien bala ioh jingtip ba thikna, ki shipai na ka 200th Battalion BSF ki la pyntip sha MCP Baghmara bad ki la pynlong ïa ka jingkhynra haki thaiñ khappud.
Ha kane ka jingkhynra, ki shipai BSF ki la bat ia kawei ka kali Tata Winger kaba la suba donkti ban kit iaki nong Bangladesh bad hadien ka jingtohkit bniah, ki shipai kila ioh kem ia 4 ngut ki nong Bangladesh bad ïa uwei nong India.
Ia ki 5 ngut bala kem bad ïa ka kali, la aiti noh sha ki pulit ka Baghmara na ka bynta ban tohkit bniah bad ban leh ia ki kyndon ain kiba donkam.
Kane ka jingioh kem ïaki 4 ngut ki nong Bangladesh bad uwei nong India ka pynpaw ia ka jingshimkhia jong ki BSF bad ki pulit ka Jyla ha kaba pynskhem ia u pud u sam jong ka Jylla bad ka Ri bad ban khanglad ia ki jingrung beain shapoh ka Jylla.
Ki BSF ki dang peitngor bad aiti lut ban pynthikna ia ka jingshngain haki thaiñ khappud bad ban pynneh ia ka suk ka sain.
