Shillong, Iaiong 03: Ki shipai Border Security Force (BSF) kila ioh kem 3 ngut ki briew kiba thmu ban shalan tuh haduh 70, 000 kilo ka shini sha Bangladesh.
Kane ka jingioh kem kadei lyngba ka jingiatreilang jong ki shipai ka 181 Bn bad ki Pulit ka Meghalaya. Kane ka kynhun kala ioh ban bat ia 3 tylli ki kali ba kit shini naka shnong Gasuapara kaba hap hapoh ka South Garo Hills.
“Halor ki jingtip ba ngi ioh, ki BSF haka jingiatreilang bad ki Pulit ka Mgehalaya kila buh iaka Mobile check post (MCP) ha jan ka shnong Gasuapara bad ngi la ioh bat 3 tylli ki kali ba kit shini” ong ka kyrwoh na ki BSF.
Ka kyrwoh ka kdew ba ki 3 ngut kiba shah kem kim shym la lah ban batai halor ka jingkit haduh 70,000 kilo u shina.
Ia ki 3 ngut ba shah kem bad ia u shini la aiti ha ka Gasuapara Police Station ba kan leh iaka ba donkam.
Tang hapoh 4 bnai, ki BSF Meghalaya kila ioh kurup haduh 1188 ton u shini ba thmu shalan sha Bangladesh lyngba ki shnong khappud.
