Shillong, Naitung 15 : Ka Khasi Students’ Union (KSU)-North Khasi Hills, kala ioh bat ia kawei ka kali shimet ba pyndait da u nombor plate thok, kaba kynnoh shalan droks ha ka thain Umsning hynne ka step sngi Balang.
Hapoh ka jingialam u Organising Secretary samla Jester Nongbet, ki dkhot ka KSU kila pynlong ia ka jingap shrip hadien ka jingioh khubor shaphang kane ka kali ba pyndait nombor plate thok, kaba shalan ia u jingdih buaid.
Ha kane ka jingap shrip, ka seng kala ioh kem ia ki briew bad kurup ia ka kali lem bad ia u droks.
Ka seng ka kynnoh ba kine ki briew ki kynthup ia ki bar jylla bad ki samla na Jylla, kiba la pyndonkam ia ka Umsning bad ka Ri-Bhoi kum ka lynti iaid ban shalan ia u droks sha kiwei pat ki jaka.
Ia kine ki tiar ba kurup bad ia ki briew la aiti noh hadien sha ki Pulit ka Umsning Police Station.
Ka KSU kala kyntu ia ki Pulit ba kin leh da kaba tyngeh kat kum ka ain pyrshah ia kine ki briew kiba donkti haba pynpaw ba kum kine ki kam ki dei kiba buh jingma ia ki samla bad ka imlang sahlang ha ka thain.
-North Khasi Hills, kala ioh bat ia kawei ka kali shimet ba pyndait da u nombor plate thok, kaba kynnoh shalan droks ha ka thain Umsning hynne ka step sngi Balang.){kind=link}