Guwahati, Jylliew 12 : Ka Central Bureau of Investigation (CBI) kala kem ia uwei u professor bala rangbah bad Dean of School of Life Sciences ha North Eastern Hill University (NEHU) Shillong, namar ka jingkynnoh ba ula shim ia ka pisa ba thong da uwei u contractor ba kot T.3.43 lak.
Une u Professor ka NEHU u dei u Dr Nirmalendu Saha, jong ka Tnad Zoology. Ka CBI kala kem ruh ia une u contractor uba dei na Guwahati ha kane ka kam bymman.
Ka jingkem kala wan jia da ka jingpynap shrip jongka CBI ha Guwahati University Guest House ha ka sngi Ba-ar, bad ioh kem pyllein pyllein ha ka por ba une u contractor u dang aiti ia ka pisa sha une u Professor. Une u contractor u kyrteng u Pranjal Sharma, uba na Bishnu Rabha Path, Beltola, Guwahati, uba dei ruh u trai jong kane ka kompani supply mar.
Ka CBI kala register ia ka case ha ka 11 tarik Jylliew halor ki jingioh jingtip kiba thikna ba u Sharma ha ryngkat u Dr Nirmalendu Saha, Professor ka Zoology bad Dean ha NEHU, lem bad kiwei, kila donkti ha ki kam bamsap. La kynnoh ba une u Professor ula pdiang ia kane ka pisa ban ai kam supply ia ki tiar saian, ki tiar laboratory sha une u contractor nalor ban pyllait sted ia ki bill jong u.
Kat kum ka jingong ka CBI, ia kine ki arngut la kem pyllein pyllein ha ka por ba dang ia ai pisa. Yn sa rah tian bishar ia ki hapoh ka Iingkashari ha Guwahati mynta ka sngi.
Ka CBI kala pynlong ruh ia ka jingkhynra ha ki artylli ki jaka, kaba lam sha ka jingioh kurip ia ki kot ki sla kiba donkam. Mynta ki dang hiar khynra sa ia kawei ka jaka kum shibynta jong ka jingtohkit.
 kala kem ia uwei u professor bala rangbah bad Dean of School of Life Sciences ha North Eastern Hill University (NEHU) Shillong, namar ka jingkynnoh ba ula shim ia ka pisa ba thong da uwei u contractor ba kot T.3.43 lak.){kind=link}