Guwahati, Iaiong 14: Ka Central Bureau of Investigation (CBI) ha ka 13 tarik mynta u bnai kala kem noh ia u Pushpajit Purkayastha bad ia u Sandeep Gupta na Guwahati halor ka jingdonkti ha kaba iadei bad ki kam thok pisa kaba la kot da ki klur tyngka jong ka DB Stock Consultancy.
U Pushajit Purkayastha, u dei u Branch Manager barim jong ka Axis Bank’s Rehbari Branch kaba don ha Guwahati, bad la lap ba u iateh lok bad u Deepankar Barman ban khring ia ki paidbah ban bei pisa ha ka skhim thok da kaba kular ban pynioh ia ka jingmih kaba heh bad kaba thikna. Da kaba pyndonkam ia ka kyrdan ba u bat hapoh ka bank, u la thmu ban pynlong langknia ia ki nongthep pisa ne client na Mumbai bad Guwahati.
U Sandeep Gupta, u dei u Agent ba kongsan bad u nonglum jingtip ia ka DB Stock Consultancy bad u long ruh uba kongsan ban phah ia 350 ngut ki briew kiba dei ki nongthep pisa khamtam eh na Dibrugarh bad lum ïa ka pisa kaba bun ryngkat bad ki jingkular thok.
Katkum ka jingtohkit la pynpaw ba u Gupta u la kamai da ki lak tyngka tang na ka bai komishon.
Ka CBI kala dep ban chargesheet pyrshah ia u nongpynwandur ne mastermind, u Deepankar Barman, ha ryngkat bad ka samla jongu ka Monalisha Das lem bad ka kmie bad u kpa bad ka Deepali Barman, kumjuh ruh ia u Chartered Accountant u Mukesh Agarwal.
Shuh shuh la kynnoh ba u nongshah kynnoh u la thok ia palat 10 hajar ngut ki nongthep pisa na kylleng ki jaka ka ri India bad ka pisa kaba la kot haduh T.400 Klur.
 ha ka 13 tarik mynta u bnai kala kem noh ia u Pushpajit Purkayastha bad ia u Sandeep Gupta na Guwahati halor ka jingdonkti ha kaba iadei bad ki kam thok pisa kaba la kot da ki klur tyngka jong ka DB Stock Consultancy.){kind=link}