Shillong Iaiong 14: Ka Sorkar Meghalaya kala ioh pdiang ar tylli ki khusnam na ka Unique Identification Authority of India (UIDIA) ha ka Aadhar Samavaad 2025 kaba kynthup ia ka Award kum ka jylla kaba biang tam ha kaban leh ia ka Mandatory Biometric Updates (MBU) na ka bynta ki khynnah bad ia ka khusnam kum ka jylla kaba biang tam ha ka Verification ia ka jingpynrung kyrteng Aadhar kiba la heh ha ka rta.
Ka jylla kala ioh pdiang ia kane ka khusnam ha ka Aadhar Samavaad 2025 ha ka jingialang kaba la long ha ka 8 tarik u Iaiong ha Bharat Mandapam Convention Centre, New Delhi.
U Deputy Secretary ka General Administration Department (GAD) ula pyntip ba kane ka jingioh ia kitei ki khusnam ka pyni ia ka jinglah bha jong ka jylla ban pynkhlain ia ka jingshakri lyngba u Aadhar bad ban pynthikna ia ka jingpynrung kyrteng kaba thikna jong ki khynnah bad kiba la heh, ha kylleng ka jylla Meghalaya.
Ia kitei ki khusnam kaba la ioh da ka jylla Meghalaya, la leit ban shimti da u Bah Shai Kupar War u Nodal Offcer (Aadhar) General Administration Department (GAD) ka sorkar Meghalaya.
U Commissioner & Secretary ka jylla Meghalaya uba long ruh u Nodal Offcer ka jylla uba peit ia u Aadhar, u Dr Joram Beda ula pynpaw ia ka jingsngewhun bad jingsngewnguh halor ka jingioh ia kane ka jingjop.
“Kane ka jingjop ka pyni ia ka jingtrei met bad mynsiem bad ka jingtrei shitom jong ka kynhun Aadhar naduh na ki shnong ki thaw, ki ophisar ha ki District bad ki nongtrei ha ka liang Technical. Nga ai khublei ia baroh kiba la donkti lang ha kaban noh synniang sha kane ka jinglah ban trei bha” la pynpaw u Dr Joram Beda.
Ka GAD ka iengskhem ha kaban ia trei ryngkat lang bad ka UIDAI bad ki tnad bapher bapher ban pynbha bad pynjanai shuh shuh ia ka rukom treikam ha ka jingpynrung kyrteng Aadhar ha ka jylla Meghalaya bad ban pynthikna ba man la ki nongshong shnong kin ioh ia la ka jingithuh kaba kyrpang (Unique Identity) bad ia ki jingmyntoi bapher na ka sorkar.
 ha ka Aadhar Samavaad 2025 kaba kynthup ia ka Award kum ka jylla kaba biang tam ha kaban leh ia ka Mandatory Biometric Updates (MBU) na ka bynta ki khynnah bad ia ka khusnam kum ka jylla kaba biang tam ha ka Verification ia ka jingpynrung kyrteng Aadhar kiba la heh ha ka rta.){kind=link}