Shillong, Iaiong 14 : Ka Meghalaya State Pollution Control Board (MSPCB) kala bthah ia ka kompani M/s Om Om Coke ba kan pynsangeh lut ia baroh ki jingtei ban seng ia ka karkhana coke ha Thlukuru, East Jaintia Hills hadien ka jingpynduh noh ia ka No-Objection Certificate (NoC) da u Dolloi ka Jowai Elaka.
Kane kala mih hadien ba ka Sorkar Shnong ka Wapungskur kala pyrshah jur ia ka jingtyrwa ban seng ia ka karkhana coke da kaba ong ba ka jaka bala ai NoC da ka shnong Mookhep ha Thlukuru,ka dei kaba dang hap hapoh u pud u sam ka Wapungskur.
“…Nga pyntip sha phi ba kane ka Ophis kala ioh pdiang ia ka jingpyndam noh ia ka NoC bala ai da u Doloi, Jowai Elaka bad u Waheh Shnong ka Mukhep. Namar kata, la bthah ban pynsangeh noh ia baroh ki jingtrei kiba iadein bad ka jingseng ia ka karkhana coke ha Thluburu Wah Tongtiang, East Jaintia Hills” ong u Member Secretary ka MSPCB Dr Gh Chyrmang ha ka shithi bala phah sha ka M/s Om Om Coke ha ka sngi Nyngkong.
Ia kane ka rai la pyntip ruh sha ka kynhun jong ka Dorbar Shnong Wapungskur, kaba la dawa jur ban pyndam noh ia ka CTE lane kino kino ki kot ki sla/licence bala ai sha kane ka kompani.
Kane ka kynhun kala maham ruh ban shim ia ka lynti jong ka ain lada shah ia ka kompani ba kan seng ia ka karkhana coke hapoh u pud u sam ka Shnong.
 kala bthah ia ka kompani M/s Om Om Coke ba kan pynsangeh lut ia baroh ki jingtei ban seng ia ka karkhana coke ha Thlukuru, East Jaintia Hills hadien ka jingpynduh noh ia ka No-Objection Certificate (NoC) da u Dolloi ka Jowai Elaka.){kind=link}