Shillong, Jymmang 31 : Ki Pulit Anti Narcotics Task Force (ANTF) ka East Khasi Hills, kila ioh ban kem ia kawei ka nongkhaii droks ba pawnam ka Aiyesha Khatoon ba khot sin ka Pahari, na ISBT, Mawiong.
Na kane ka briew, ki Pulit kila ioh ban kurup ia u droks heroin ba khia haduh 37.28 gram uba la thep ha ki 3 tylli ki synduk sabon bad kawei ka mobile phone.
Ia kane ka briew la register case hapoh Mawlai Police Station hapoh ki kyndon jong ka NDPS Act. Ka jingtohkit mynta kala iaid shakhmat.
