Tura, Jylliew 4: Ki Pulit ka Anti-Narcotics Force (ANTF) kila ioh kem ia 4 ngut ki nongkhaii droks ha ka jingkhynra hynnin miet sngi Saitjain bad hynne ka step Sngi U Blei ha West Garo Hills bad ioh ban kurup ia bun bah ki jingdih pynbuaid ba kynthup ia u ganja, u heroin bad kiwei kiwei.
Ia kane ka jingkhynra la pynlong ha ka Iingsah jong uwei u nongkhaii droks ba kyrteng u Aziar Mondol kaba don ha Rajpur, Phulbari, West Garo Hills.
Ha kane ka jingkhynra, ki Pulit ka ANTF kila kem ia 4 ngut ki briew kiba dei shi longiing ba kynthup ia u Aziar Mondol, arngut ki Khun u Ziadur Mondol bad Riazul Mondol bad ka kurim ka Zobeda Bibi.
Ki Pulit ANTF kila ioh ban kurup haduh 2.5 kilo u ganja, 4.5 gram u heroin, 620 tylli u dawai kuli yaba, 39 tylli u Tramadol, 29 tylli ki Nitrazepam, 10 tylli ki synduk heroin ba thylli, 450 tylli ki bior plastic barit, ka pisa T. 67,840, 9 tylli ki mobile phone, kawei ka TVS Apache Bike ML08-J-0156 bad 10 tylli ki lighter.
La suba jur ruh ba kine ki nongkhaii droks ki dei kiba wan pynpoi ia u droks na ki nongkhaii kiba don ha ki Jylla ba marjan bad kila ioh lum bun ka spah na kaba khaii ia kine ki jingdih buaid.
Ki Pulit kila register case pyrshah ia kine ki shi longiing hapoh ka Phulbari Police Station kat kum ki kyndon jong ka NDPS Act. Ka jingtohkit mynta kala iaid shakhmat.
