Shillong, Nailur 18 : Ka kynhun ki Pulit Anti Narcotics Task Force (ANTF) hynnin ka sngi saitjain, kila ioh ban kem ia arngut ki Nongkhaii droks bad ioh kurup ia u heroin ba khia 41.85 gram na ka met jong ki.
Ka Kynhun ANTF kala ioh kem ia kine ki arngut kiba hapdeng 29 bad 30 snem, na ka thain GS Road, Bara Bazaar katba ki dang thmu ban khaii droks ha kine ki thain.
La iathuh ba ka met kine ki briew, la ioh ban kurup ia 41.85 gram u heroin, 8 tylli ki vial (bilor plastia ba rit), kawei ka mobile phone bad kawei ka ATM Card.
Ia kine ki arngut la register case ha Sadar Police Station bad la pynngat ia ki hapoh ka kyndon jong ka ain NDPS act. Ka jingtohkit mynta kala iaid shakhmat.
