Shillong, Jylliew 23 : Ki Pulit ANTF ka East Khasi Hills hynnin ka miet sngi Palei, kila ioh kem ia arngut ki nongkhaii droks bad ioh kurup ia u heroin ba shongdor T. 2 lak, kawei ka scooty bad ka pisa ba T. 28,000.
Haba kynthoh hapoh ka Twitter, u DGP Dr LR Bishnoi ula ong “Ki nongkhaii droks ki don jingthmu ban pynjot ia ka imlang sahlang jong ka Jylla da kaba pynrung ia u droks hynrei ka jingpeit ngor ki Pulit ka East Khasi Hills, kila iohkem ia arngut bad ioh kurup drok ba shongdor T. 2 lak, kawei ka scooty bad ka pisa T. 28 hajar”.
Ha ka sngi Ba-ar, ki Pulit ka East Jaintia Hills kila kem ia 7 ngut ki nongkhaii ganja bad ioh kurup haduh 251 kilo u ganja, 2 tylli ki kali bad hynriew tylli ki phone na Kongong.
Pule ruh: Pynlong jingduwai ki Skul Catholic ha Ri-lum Garo ban wan noh ka jingsuk ha Manipur
