Shillong, Risaw 19: Ka Anti Narcotics Task Force (ANTF) ka West Garo Hills district, kala ioh ban kem haduh 7 ngut ki nongkhaii droks ha ka jingkhynra kaba la pynlong hapoh ka 24 kynta hynnin ka sngi Saitjain.
Nyngkong, ka ANTF kala ioh kem shuwa ia 4 ngut ki suba nongkhaii droks bad na ka met jong ki, la ioh ruh ban kurup bun u droks.
Kine ki kyrteng u Prosojit Dalu, Kriston A Sangma, Sengbath Ch Momin bad Sonu A Sangma.
“Hadien ka jingioh khubor, ka ANTF kala pynlong ia ka jingkhynra bad kila ioh kem ia 4 ngut ki suba nongkhaii droks katba ki dang shong ha kawei ka auto rickshaw ML08-G-7609. Na ka met jong kine ki briew, la ioh ban kurup haduh 1008 u SP capsule ba khia 388.08 gram, 99 tylli ki P Neitra tablet ba khia 0.99 gram bad 0.61 gram” ong ki Heh ka ANTF.
Ha kawei pat ka jingkhynra, ka ANTF kala ioh sa 3 ngut ki suba nongkhaii drok na ka bos kamai bad ioh kurup ia 22 tylli ki vials ba don u heroin ba khia 2.1 gram.
Kine ki lai ngut ki kyrteng u Ajay Debnath, Niranjan Chakraborty bad Suman Sen. Kine ki briew kila wan da k abos na Garabadha sha Tura.
 ka West Garo Hills district, kala ioh ban kem haduh 7 ngut ki nongkhaii droks ha ka jingkhynra kaba la pynlong hapoh ka 24 kynta hynnin ka sngi Saitjain.){kind=link}