Shillong, K’lyngkot 08 : Kawei ka kali Tourist kala julor na ka jingkem ding ha ka janmiet sngi Palei ha ka thain 11 Mile, Mylliem, East KHasi Hills.
Kane ka kali kaba dei ka Celeria ba don u nombor ML05-AC-2235, kala kem ding kynsan ha ka por 6 baje janmiet, ong ka khubor.
Ki briew ba sakhi ki iathuh ba u nongniah bad ki briew kiba don hapoh, kila ioh ban mih lut shabar bad lait na kino kino ki jingma.
Namar kane ka kali ka don hapdeng jong ka highway, kala wanrah ia ka jingdheng kali namar bun ki kali kila sahkut lut na kane ka jingpluh.
Ki Pulit kila hiar ban tohkit ia kane ka jingjia ban lap ia ki daw tynrai halor ka jingkem ding kane ka kali.
