Guwahati, Naitung 27 : U Myntri ka Sorkar Pdeng ba khmih ia ka Port, Shipping & Waterways, Sarbananda Sonowal hynne ka sngi ula ong ba ka mang tyngka ka Sorkar Pdeng ka thmu ban kyntiew ia ka ioh ka kot, ki karkhana bad ka rep ka riang da kaba pynkupbor ia ki samla, ki kynthei bad ki paid riewlum ka thain Shatei Lam Mihngi.
Haba kren ha ka jingiatai ia ka mang tyngka ka Sorkar Pdeng bad ki nongialam jong ki nongsengkam, ki samla bad ki kynthei ha Shillong, u Sonowal ula kren halor ka sienjam bala shim da ka Sorkar u Modi halor ka Direct Benefit Transfer (DBT). Ka skhim ka tyrwa ban ai T.15,000 ha ki lai installment ia ki nongtrei ba dang sdang ban trei nyngkong eh ia kaban sa klop lang bad ka Meghalaya Industrial & Investment Promotion Policy.
“Ka Credit Guarantee Scheme ka kyrshan ia ki MSME ban pynkhlain ia ka jingtreikam, kan pynsted ia ka jingroi jong ki karkhana haka thain Shatei Lam Mihngi bad ka lad ban pynkha ia ka ioh kam iohjam ha Meghalaya” ula ong.
U Sonowal ula ban jur ia ka jingpyllait ia ki 109 jait ki marrep ba lah ban kyrda ia ka mariang bad mih bha. Kane ka dei ka lad ban kyntiew ia ka ioh ka kot bad iakhun ia ki jingktah jong ka jingkylla ka mei mariang.
Ka mang pisa ba T.598 klur ia ki project kam rep ba iada ia ka mriang, kan iarap ban tehlakam ia ka jingktah jong ka jingkylla ka mariang, ka jingshah rong ka khynew, ka jingboi ki khniang bad kyntiew bha ia ka jingpynmih ia ki marrep ha ka thain.
Ka Mang tyngka ka Sorkar Pdeng ka kyntuo ruh ia ka jingmang pisa ban shna ia ki surok lyngba ka Phase IV jong ka Pradan Mantri Gram Sadak Yojana (PMGSY), ka ban ai ia ki surok kiba lah ban kyrda ia baroh ki aiom ha ki jaka nongkyndong, kynthup ka thain Shatei Lam Mihngi. Ula ong ba naduh 2014, ka PMGSY kala pyniasoh haduh 3,482 km ka surok ha Jylla Meghalaya ha ka jingpynlut ba kot T. 2310.76 klur.
Ka mang tyngka ka mang ruh haduh T.2.66 lak klur ia ki kam pynroi ha ki jaka nongkyndong kynthup ia ki jingtrei bapher bapher ha ki jaka nyngkyndong ka thain Shatei Lam Mihngi bad T. 19,338 klur ban shna pynbna ia ki surok bad ki National Highway. Kane ka jingkynshew pisa ka long kaba kongsan ban kyntiew ia ki kam jngohkai ha ka thain kynthup ka Jylla Meghalaya.
U Sonowal ula kdew ba ka thain Shatei Lam Mihngi kan ioh nong bha na kane ka mang tyngka ka Sorkar Pdeng, kaba thmu ban pynkup bor ia ka thain ha ka ioh ka kot, ki karkhana, ka rep ka riang da kaba pynkupbor ia ki samla, ki kynthei bad ki paid riewlum.
Ha kane ka jingialang la wan iashimbynta ruh da u Myntri ka Tnad Animal Husbandry ka Jylla Bah Alexander.L Hek.
. Ka skhim ka tyrwa ban ai T.15,000 ha ki lai installment ia ki nongtrei ba dang sdang ban trei nyngkong eh ia kaban sa klop lang bad ka Meghalaya Industrial & Investment Promotion Policy.){kind=link}