Guwahati, Nailar 28: Ka Linthoi Chanambam, ka khynnah ialehkai judo 16 snem rta na Manipur, kala jop ia ka gold medal kaba nyngkong na India ha ka histori ha ka jingialehkai Judo World Championships kaba la long ha Sarajevo ha ka sngi Thohdieng ba la lah.
Shwa kane, ym pat ju don ki nongialehkai judo ki ban jop wat tang kawei ruh ka medal la ka long ha kano kano ka rta jong ka jingiakop ha ka World Championships, kata ha ka liang ki shynrang ne kynthei.
Da kaba jop sawsien kynthih ban poi sha ka final jong ka World Cadet Championships ha kane ka jingialehkai judo kiba hapoh 18 snem rta, ka Linthoi kala ia aireng pyrshah ia ka Bianca Reis na Brazil ha ka thup jong ka 57 kilo ha kane ka janmiet sngi Thohdieng ba la lah, kata da kaba lah dep lypa ban thaw histori.
Ka Linthoi kala tam lypa naduh kaba sdang jong ka lympung ialehkai tad haduh ba ioh ban rah syndon ia ka nam lahduh ha ka U18 world champion. Kane ka dei ruh ka medal kaba nyngkong ha kane ka tournament.
Um pat ju don ki nong India ki ban ioh rah medal ha ki Junior Worlds (U-21) lane ha ki Senior World Championships ha ka Judo wat hashwa jong kane ruh.
