Nongstoiñ, K’lyngkot 20: Ka Office jong ka District Sports Officer Nongstoiñ bad ka Office Deputy Commissioner, West Khasi Hills District, ryngkat ka District Sports Promotion Society West Khasi Hills District, kan pynlong ïa ka ‘Meghalaya Day Run’ ba 10 kilometer ha West Khasi Hills ha ka 21 tarik mynta u bnai.
Kane ka jingïakop mareh kan long na ka bynta ki kynthei bad shynrang bad ka jaka ban sdang mareh kan long na phyllaw Office Deputy Commissioner, West Khasi Hills District.
Ka tarik ba khatduh ban pdiang kan long ha ka 19 haduh 20 tarik, tangba lah ruh ban pdiang ha ka step 21 tarik naduh 5:30 mynstep haduh 6:30 mynstep ha D.C Office. Ki nongshim bynta ki dei ban wanrah ryngkat bad ki Original Birth Certificate.
Kan sa don ka khusnam ba san hajar ïa kiba jop, lai hajar ïa kiba wan ba ar bad ar hajar ïa kiba wan ba lai. Kumjuh ruh yn ai mar 500 tyngka ïa kiba rung ha ka kyrdan ba 10.
