Shillong, Lber 30 : Arngut ki samla kila iap na ka jinghap shapoh ka riat ha ka thain Rapleng, kaba hap hapoh ka Mawkynrew C&RD Block, East Khasi Hills, kaba la jia namar ka jingbeh ia ka helmet kaba tyllun katba ki dang iashongkai ha kane ka riat.
Kat kum ka khubor Pulit, kane ka jingjia kala jia katba kine ki samla ki dang ialehkai hajrong u lum. Kane ka jingjia kala jia ha ka 29 tarik Lber.
Kine kiba khlad ki kyrteng u Rishan Rani ba 23 snem bad u Ericfortis Kharkongor ba 23 snem, kiba dei na ka shnong Langkyrding, Nongmensong, Shillong.
Ki Pulit ki iathuh ba lai ngut ki samla kila leit kai sha kane ka jaka hynrei uwei u samla ula lait im.
Ki Pulit ki iathuh ba ha ka por ba kine ki samla ki dang ialehkai, kynsan kynsan ka helmet jong ka scooty kala tyllun shapoh ka riat bad ha ka jingiabeh ban kurup, arngut kila syntuid bad hap pynban sha riat kaba jrong da ki spah meter.
Ka kynhun Search & Rescue Team bad ki Pulit kila iahiar mardor sha katei ka jaka bad kila ioh ban sei ia ki metiap ha ka sngi Nyngkong.
