Shillong Kyllalyngkot 20: Ka East Khasi Hills District kala iohrah ia ka nam Lahduh ha ka lympung iakob ialehkai kaba 5 jong ka Meghalaya Games kaba la kut noh hynne ka sngi Saitjaiñ ha Tura.
Ka East Khasi Hills District kala ioh khur haduh 359 tylli ki Takma ha ka Meghalaya Games kaba kynthup ia ki 132 tylli ki Takma Ksiar, 105 tylli ki Takma Rupa bad 122 tylli ki Takma Rnong ban ioh rah ia ka nam lahduh.
Kaba la wan baar kadei ka Ri Bhoi District kaba la ioh khur 79 tylli ki Takma, kiba kynthup 27 tylli ki Takma Ksiar, 22 tylli ki Takma Rupa bad 30 tylli ki Takma Rnong, katba ka West Jaintia Hills kala ioh khur 68 tylli ki Takma, kata 25 tylli ki Takma Ksiar, 18 tylli ki Takma Rupa bad 25 tylli ki Takma Rnong.
Ka West Garo Hills kala ioh khur 73 tylli ki takma kiba kynthup ia ki 17 tylli ki Takma Ksiar, 17 tylli ki Takma Rupa bad 39 tylli ki Takma Rnong, katba ka South West Khasi Hills kala ioh khur 16 tylli ki Takma Ksiar, 18 tylli ki Takma Rupa bad 18 tylli ki Takma Rnong.
Ka East Jaintia Hills kala ioh khur 9 tylli ki Takma Ksiar, 13 tylli ki Takma Rupa bad 13 tylli ki Takma Rnong, katba ka Eastern West Khasi Hills kala ioh 7 tylli ki Takma Ksiar, 13 tylli ki Takma Rupa bad 14 tylli ki Takma Rnong, ka West Khasi Hills kala ioh khur 6 tylli ki Takma Ksiar, 19 tylli ki Takma Rupa bad 23 tylli ki Takma Rnong.
Ka North Garo Hills kala ioh 5 tylli ki Takma Ksiar, 5 tylli ki Takma Ksiar bad 6 tylli ki Takma Rnong, katba ka East Garo Hills kala ioh 2 tylli ki Takma Ksiar, 3 tylli ki Takma Rupa bad 20 tylli ki Takma Rnong.
Ka South Garo Hills kala ioh 1 ka Takma Ksiar, 1 ka Takma Rupa bad 4 tylli ki Takma Rnong, katba ka South West Garo Hills kam shym la ioh khur iaka Takma Ksiar hynrei kala ioh khur tang 3 tylli ki Takma Rupa bad 3 tylli ki Takma Rnong.
