Shillong, Kyllalyngkot 20: Ka Meghalaya kala pynrem iaka Nagaland da 128 run bad khlem donkam ban tied ha ka sien ka baar jong ka Ranji Trophy kaba la long hynne ka sngi Saitjain ha MCA Ground, Shillong.
Ka Nagaland kala leit ban tied nyngkong bad kala kami tang 72 run ha ka sngi sdang bad ka Meghalaya kala kamai 196 run bad hap 7 wiket bad haba kala bteng biang ban tied ha ka sngi ka baar kala kamai sa 108 run ha kaba u Jaskirat Singh Sachdeva ula kamai 75 run na ka bynta ka Meghalaya, katba u Akash ula kamai 20 run bad ym shim la out.
Ka Meghalaya kala kamai 304 run bad hap lut ki nongtied bad kala tam da 232 run ia ka Nagaland.
Ka Nagaland kala leit ban tied ha ka sien ka baar bad kala kamai tang 104 run bad hap lut ki nongtied bad kane kala pynlong ia ka Meghalaya ban jop da 128 run bad kam shym la donkam ban tied biang.
U Ram Gurung ka Meghalaya ula ioh khur 6 wiket bad ai tang 15, katba u Akash Kumar Choudhury ula ioh khur 3 wiket bad ka jingioh khur wiket baroh jong u Akash ha ka jingleit kawang bol ha ka jingiakun kaba nyngkong bad ka baar ka long 10 wiket bad ai tang 79 run.
Ka Meghalaya kan iakhun pyrshah ia ka Mizoram naduh ka 26 tarik u Kyllalyngkot ha Anand, Gujarat.
