Shillong, Iaiong 29 : Ka Meghalaya Energy Corporation Limited (MeECL), kala pyrshang katba lah ban kiar na ka jingpyn treikam ia ka loadshedding ne ka jingpynlip bording, hapoh ka Jylla.
Haba pyntip ia kane hynne ka sngi Nyngkong, u Myntri ka Tnad Bording AT Mondal ula ong “Ia mynta hi, ngim pat pyntreikam ia ka loadshedding bad ngi dang leh ia ki kam ban pynthikna ba ngin nym pyntreikam ia ka loadshedding kat kaba lah”.
Ula ong ba ka MeECL kala lah ban ai bording khlem ka jingthut ha ka por ba long eksam ka MBoSE bad kumjuh ruh ha ka por ba long ka elekshon Lok Sabha hapoh ka Jylla.
“Ngi kmen ban pyntip ba ngi la lah ban leh ia kane da kaba pynthikna ba kan nym don ka loadshedding” ong u Mondal haba kular “Mynta, ngi la pyrshang katba lah ban khmih ba ngin ym leit sha ka loadshedding”.
Haba pyntip ba ka Jylla ka shaniah tylli ha ki hydro power project ban pynmih bording, u Myntri ula ong “Kine ki project ki shaniah tylli ha u slap bad mynta u snem kumba long ha u snem bala lah, u slap ula wan slem bad ngi shu kyrmen ba u slap un sa wan ha Meghalaya ha kine ki khyndiat taiew ban wan bad lada kane ka urlong, ngi kyrmen ba ngin ym leit sha loadshedding”.
“Ka rai jong u Myntri Rangbah ka Jylla ka long ba ngin ai ia ka bording elektrik khlem ka jingthut. Ngi dang trei a ki kam ha kine ki bynta bad to ngin kyrmen ba ngin kynjoh ia ka” ula bynrap.
Ha u snem bala lah, ka Jylla kala sakhi ia ka jingpynlip bording ba bun kynta ha kaba haduh 7 kynta la hap pynlip bording ha jaka sor bad haduh 9 kynta ha ki jaka nongkyndong. “Mynta u snem, haduh mynta ngim pat leit sha ka loadshedding.
, kala pyrshang katba lah ban kiar na ka jingpyn treikam ia ka loadshedding ne ka jingpynlip bording, hapoh ka Jylla.){kind=link}