Nongstoiñ, Ïaїong 29: Kawei ka trok kit shini ba suba leit pynhap shini sha khappud Bangladesh ban khaii tuh, kala kylla khongpong ha ka shnong Mawkaton.
Kane ka jingjia kala jia hynnin ka janmiet sngi U Blei ka 28 tarik Iaiong. Kane ka dei ka trok 12 shaka kaba don u nombor ML10-C-1355.
Kat kum ka khubor Pulit, kane ka trok kala rung na ka surok Nongkasen sha Mawkaton-Jaidoh-Mawthungkper bad sam lyngba sha Kynroh da ka jingthmu ban iaid lait ia ki Pulit.
Ki Pulit ki iathuh ba ka jingkylla kane ka trok kala wan jia na ka jingsynjor kawei ka thliew muri kaba dang shna ha kane ka surok ba dang maramot thymmai mynta.
Ia kane ka jingkylla ka trok la lap da ki riew paidbah ha ka por phra baje mynmiet, katba ki briew ki dang kit ia ka shini sha kawei pat ka trok kaba wan kit bujli.
