Shillong, Iaiong 02 : Ka Iingkashari District & Session, East Khasi Hills, kala aibor ia ki Pulit ban set 7 sngi ia ki arngut ki dkhot ka Khasi Students Union (KSU) kiba shah kem halor ka jingsuba donkti ban pyniap ia ki arngut ki nongbylla bar Jylla ha Ichamati.
Kine ki arngut ki dkhot ka KSU ki kyrteng u Shamborlang Shati ba 26 snem na shnong Wah Utim bad u samla Meshadapbor Skhembill, 26 snem na Saitsohpen, Sohra.
Ha ka 27 tarik Lber, arngut ki nongbylla bar jylla kila shah bomiap ha ka kynhun ki samla ha Ichamati. Kine ki arngut ki kyrteng u Esan Singh bad u Sujit Dutta. Kine baroh arngut ki dei ki nongbylla tih par mawshun. Ia ka met jong ki la lap ha Ichamati bad na Dalda.
Kat kum ka ejahar ki bahaiing hasem jong kine kib iap, kane ka jingjia kalajia hadien ka rally pyrshah CAA ha Ichamati.
U Superintendent of Police ka East Khasi Hills Rituraj Ravi ula ong ba ka Iingkashari kala phah set 7 sngi ia kine ki arngut hapoh ka Police Custody.
U pyntip ba ka jingtohkit mynta ka dang iaid shakhmat bad ki Pulit kila nang ithuh shuh shuh ia ki briew kiba donkti lang ha kane ka jingjia.
